16:18
USD 84.79
EUR 100.88
RUB 1.10

Кыргызстан Россия менен Кытайдын вакцинасына ыктоодо

Россия жана Кытайда чыгарылган вакциналарды пайдалануу маселеси иштелип чыгууда. Бул тууралуу өкмөттүн маалымат кызматы билдирди.

Бүгүн премьер-министр Улукбек Марипов өлкөдөгү коронавирус инфекциясы боюнча эпидемиологиялык абал боюнча кеңешме өткөрдү.

Кеңешменин жүрүшүндө жалпы билим берүү мектептеринин жана бала бакчалардын ишин ырааттуу жандандыруу, калкты ыктыярдуу түрдө COVID-19дан массалык вакцинациялоого даярдык көрүү маселеси талкууланды.

«Белгиленгендей, COVAX программасынын алкагында вакциналардын биринчи партиясы республикага үстүбүздөгү жылдын март айында алынып келинет, ал эми экинчи бөлүгү экинчи кварталда жеткирилмекчи.Россия жана Кытайда чыгарылган вакциналарды пайдалануу маселеси иштелип чыгууда», — дейт өкмөт.

Өкмөт башчы Улукбек Марипов калкты, биринчи кезекте, билим берүү жана медицина тармагынын кызматкерлерин ыктыярдуу вакцинациялоо боюнча ишти ыкчам жана сапаттуу жүргүзүүнүн маанилүүлүгүн белгиледи.

Эң көп окулган жаңылыктар