Премьер-министрликке Эсептөө палатасынын төрагасы Улукбек Марипов көрсөтүлүүдө. Анын талапкерлиги учурда Жогорку Кеңештин коалициялык көпчүлүгүнүн жыйынында каралууда.
Депутат Аида Касымалиеванын айтымында, өкмөттүн түзүмүндө дагы өзгөрүүлөр күтүлөт.
«Өкмөттө бир эле вице-премьер-министр болот экен», — дейт ал.
Улукбек Марипов мурдакы президент Алмазбек Атамбаевдин жардамчысы болгон, андан кийин Эсептөө палатасына жетекчиликке дайындалган.
Ал Жогорку Кеңештин мурдакы депутаты, Ноокат райондук оорукананын башкы дарыгери Асамидин Мариповдун уулу.
