Мечиттен 900 миң сомду уурдап кеткен шектүү кармалды. Бул тууралуу Бишкек Ички иштер башкармалыгы билдирди.
Маалыматка караганда, ыкчам-издөө иш-аракеттеринин натыйжасында уурулукка шектелип 1970-жылы туулган Б.А. кармалды. Кармалган адамдын жанынан мурда жоголгон барсетка ичиндеги акчасы менен табылып алынды.
2-январь күнү Жибек-Жолу көчөсүндөгү борбордук мечиттен ичинде 5 миң 700 доллар, 300 миң рубль жана 55 миң сом салынган капчык жоголгон. Шектүү мечиттеги видео байкоого түшүп калган.
