23:02
USD 84.77
EUR 103.24
RUB 1.14

Ысык-Көлдүн облустук телеканалынын журналисти жанын кыйды

Ысык-Көлдүн Каракол шаарында облустук телеканалдын кызматкери асынып алды. Бул тууралуу 24.kg агенттигине анын кесиптеши Жаныбек Кожоев билдирди.

Айтымында, журналист 11-январда өмүрүнө кол салды.

«Бул суук кабар кесиптештери жана үй-бүлөсү үчүн күтүүсүз болду. Себебин али биле элекпиз. Үч баласы жетим калды», — деди Жаныбек Кожоев.

Ысык-Көл облусунун ИИБи берген маалыматка ылайык, окуя 12-январга караган түнү болжол менен саат 00:00 чамасында болгон. Каракол шаардык милициясына Тез жардам кызматынан билдирүү келип түшкөн. Анда 1991-жылы төрөлгөн кыздын Каракол шаарындагы үйүнүн сарайына асынып алгандыгы тууралуу айтылган.

Учурда аталган окуя боюнча соттук-медициналык экспертиза дайындалып, тиешелүү органдар териштирүү иштерин жүргүзүүдө.

Эң көп окулган жаңылыктар