Бишкектин Биринчи май райондук сотунда 2019-жылдын 7-8-августунда Кой-Таш окуялары боюнча кылмыш ишин караштыруу уланууда.
Айыпталып жаткан Кундуз Жолдубаева сот отурумуна УКМК ɵкүлү келгенин 24.kg агенттигине билдирди.
«Сот отуруму коомчулук үчүн жабык ɵтүп жатканына карабастан, атайын кызматтын ɵкүлү келди. Айыпталуучулар да, жактоочулар да буга каршы чыкты. УКМК кызматкеринин айтымында, мекеме миллион сомдон ашуун материалдык чыгымга дуушар болгондуктан, ал коопсуздук комитетинин ɵкүлү катары келиптир», — деди Жолдубаева.
Белгилей кетсек, бүгүн сот отурумунда УКМКнын «Альфа» кызматкерлерин суракка алышат.
