15:28
USD 84.80
EUR 101.57
RUB 1.12

Кашкар Жунушалиев милиция кызматкерлерин ден-соолугуна кам көрүүгө үндөдү

Ички иштер министри Кашкар Жунушалиев бөлүм башчылары менен онлайн режиминде жолугушуу өткөрдү. Бул тууралуу Ички иштер министрлигинин басма сөз кызматы маалымдады.

Анын айтымында, онлайн жолугушууга Баткен, Ош, Жалал-Абад, Нарын, Ысык-Көл, Талас, Чүй облустук ички иштер башкармалыктарынын башчылары, борбордук аппараттын кызматтарынын жетекчилери катышты.

Кашкар Жунушалиев бардык аймактын жетекчилерине, тартип сактоо бөлүмдөрүндө эмгектенип жаткан ар бир милиция кызматкеринин саламаттыгы үчүн жооптуу экендигин эскертти.

«Эң негизги милдет — кызматкерлердин ден-соолугуна өзгөчө көңүл буруу, ар бир аймактын медициналык бөлүмдөрүндө дарыланып жаткан бейтаптарга толук жана ар тараптуу жардам көрсөтүү, кошумча ооруканаларды ачуу маселесин карап чыгуу», — деди Кашкар Жунушалиев.

Ошондой эле ал, коомдук тартипти чыңдоону унутпоого жана өлкөнүн ар бир районунда кылмыштуулук менен күрөшүүнү улантууга үндөдү.

Эң көп окулган жаңылыктар