Бишкеке Бириккен Араб Эмирлигинен 187 кыргызстандык кайтып келди. Бул тууралуу республикалык штаб билдирди.
Маалыматка ылайык, алар Дубай-Бишкек маршруту боюнча «Fly Dubai» авиакомпаниясынын чартердик каттамы аркылуу келишкен.
«Учардын алдында бардык жүргүнчүлөр коронавирус инфекциясына экспресс-тесттерди тапшырышты, бардыгынын жыйынтыктары таза болуп чыкты. Азыркы учурда бардык учуп келген жарандар бекитилген тартипте медициналык процедуралардан өтүү үчүн обсервацияга алынды», — деп кошумчалады республикалык штаб.
Чет мамлекеттерде жүргөн Кыргыз Республикасынын жарандарынын Кыргызстанга келе турган маршруттарын издөө боюнча иштер улантылып жатат.
