04:49
USD 77.51
EUR 87.98
RUB 1.09

Нарында коронавирустан каза болгон аял инсульт болуп ооруканага түшкөн

Нарын облусунда коронавирустун айынан каза болгон 79 жаштагы аялдын өлүмү өнөкөт оорусуна да байланыштуу болгон. Бул тууралуу саламаттыкты сактоо министринин орун басары Нурболот Үсөнбаев маалымат жыйында билдирди.

Анын айтымында, бейтап 13-май күнү Нарын облустук ооруканалардын бирине ишемиялык инсульту  менен келип түшкөн. Аны менен катар анын гипертония өнөкөт оорусу жана кант диабети болгон. 29-майда бейтаптан COVID-19 вирусу аныкталган. Абалы оор болгондуктан жандандыруу бөлүмүнө жайгаштырылып, 30-майда ден-соолугу мурдагыдан да начарлаганына байланыштуу ИВЛ аппаратына кошушкан. Тилекке каршы 1-июнь күнү көз жумду.

Эске сала кетсек, өлкөдө коронавирус жуктургандардын жалпы саны 1 миң 845ке жетти, анын ичнен 1 миң 219 айыкса, 17 адам көз жумду.

Эң көп окулган жаңылыктар