Ботулизмдин токсиндери «Дар земли» ЖЧК өндүргөн маринаддалган бадыраңдардан табылды. Бул тууралуу Саламаттык сактоо министрлигинен билдиришти.
Маалыматка караганда, ноябрда ботулизм менен жабыркаган бейтап каттоого алынган.
2018-жылдын июлунда «Дар земли» ЖЧК өндүргөн маринаддалган бадыраңдар кооптуу деп табылды.
Лабораториялык изилдөөдө бадыраңдардан ботулизмдин токсиндери аныкталды. Буга өндүрүш маалында технологиялык процесстин бузулгандыгы себеп болушу ыктымал.
"Өндүрүшчүгө карата чаралар көрүлүп, соода түйүндөрүнөн калган продукцияларды алып салуу боюнча санитардык билдирүү берилди.
Маалыматка таянсак, жыл башынан бери өлкөдө ботулизм менен ооруган 43 учур катталган.
