Президент Сооронбай Жээнбеков бүгүн Ашхабад шаарына (Түркмөнстан) КМШ мамлекет башчыларынын Кеңешинин кезектеги жыйынына катышуу үчүн учуп кетти. Бул тууралуу президенттин басма сөз кызматы билдирди.
Жыйында кызматташуунун актуалдуу маселелери, анын ичинде КМШ мамлекеттеринин Стратегиялык экономикалык кызматташуу Декларациясынын долбоору талкууланат.
Ошондой эле бир катар эки тараптуу жолугушуулардын өтүшү күтүлүүдө.
Кыргыз делегациясынын курамында: тышкы иштер министри Чынгыз Айдарбеков, президенттин аппараттынын тышкы саясат бөлүмүнүн башчысы Данияр Сыдыков, Кыргызстандын Беларусь Республикасындагы атайын жана ыйгарым укуктуу элчиси Эрмек Ибраимов бар.
