Жалал-Абад облусуна караштуу Кара-Көл шаарында эки адамдын мушташы кары кишинин өлүмүнө алып келди. Бул тууралуу облустук милиция билдирди.
Маалыматка караганда, шаардык 2 тургун мушташып жатып, бири экинчисин таш ыргыткан. Ал ары жакта олтурган карыянын башына тийип, аны ооруканага жеткиришкен.
«25-40 жаштагы эки жаран урушуп, бири-бирине таш ыргытышкан. Ошол учурда жакын жерде отурган 1940-жылы туулган Т.Ж. аттуу жаранга кокусунан таш тийген. Ал ооруканадан өзүнө келбей каза болду», -деп билдиришти милициядан.
Шектүү эки тургундун өздүгү аныкталып, бирөөсү кармалып, экинчисин кармоо боюнча тиешелүү иштер жүргүзүлүп жатат.
