Бишкектеги «Дордой» базарынан алыс эмес жерде белгисиз бирөөлөр кытайлык жарандарга кол салышты. Маалыматты Свердлов РИИБдан тастыкташты.
Маалыматка караганда, окуя кечээ катталган. Жабырлануучулар Кыргызстанда иштеп жаткан кытайлык ишкерлер.
Алдын ала алынган маалыматка ылайык, кытайлыктар унаасы менен кетип бара жатканда, аларды бир унаа атайлап сүзүп токтогон. Бет кап кийген 3 жаран унаадан чыгып, ишкерлердин 300 миң долларын алып кетишкен.
Тергөө иштери жүрүп жатат.
