Вице-премьер-министр Жеңиш Разаков Баткен облусуна жумуш сапары учурунда Көкташ—Аксай—Тамдык унаа жолуна асфальт-бетон төшөө иш-чарасына катышты. Бул тууралуу өкмөттүн аппаратынан билдиришти.
Ал Ак-Сай-Тамдык унаа жолунун курулушу боюнча аткарылып жаткан иштер менен таанышты. Ал эми Көкташ—Аксай—Тамдык унаа жолунда курулуш иштери башталган. Жалпысынан курулуш башталганы 21 чакырым жол курулган.
«Республикалык бюджеттен 2019-жылга карата Көкташ—Аксай—Тамдык унаа жолундагы жол-курулуш иштерине «Капиталдык салымдар» беренеси боюнча 120 миллион сом өлчөмүндө каражаттар каралган, алардын ичинде 50 миллион сом Көкташ—Аксай жол участогунун бетине асфальт-бетон төшөө үчүн багытталган, учурда 7 чакырым узундуктагы трассага асфальт-бетон төшөө иштери башталды. Ошондой эле, 70 миллион сом 13,5 чакырым Аксай—Тамдык жаңы жол участогунун курулушуна багытталат, курулуш (жардыруу) иштери жүрүп жатат.
