Токмоктогу № 1 кичи районго барчу жолдун ремонтуна Унаа жана жолдор министрлиги жооп берет. Бул тууралуу шаардык мэриядан билдиришти.
Маалыматка ылайык, бир айдан бери казылган чуңкурдагы оңдоо иштери Чүй районуна карайт, мындан улам аталган аймактагы иштерди Унаа жана жолдор министрлиги аткарат.
Эске салсак, буга чейин 24.kg агенттигине окурман жолдогу чуңкурлардан улам унаалар өтө албай кыйналып жатканын айткан.
