Банктарда эсеп ачып жатканда жеке маалыматтары бар справка үчүн акы төлөөгө туура келет. Бул тууралуу Жогорку Кеңештин отурумунда депутат Улугбек Ормонов билдирди.
Анын айтымында, 2 жылдан бери Кыргызстанда биометрикалык паспортторду берүү өнөктүгү уланып келет.
«Бизге чиптерде жеке маалыматтар сакталып турат деп убада кылышкан. Бирок, банктарда аны окуй ала турган аппараттар жок. Эсеп ачууда кардардан справка талап кылышат, аларга акы төлөгөндө гана справка беришет. Бишкекте ушундай көрүнүш, ал эми аймактарда эл КТБга барууга туура келет», -деди депутат.
Ал билдиргендей, баардык жерге окуй турган аппараттарды орнотуу керек же болбосо эски үлгүдөгү паспортторго өтүү зарыл.
