Жогорку Кеңештин мурунку төрагасы Асылбек Жээнбеков КСДП партиясынан расмий түрдө чыкканын, бирок аталган фракциянын депутаты катары кала турганын билдирди.
Анын айтымында, КСДПнын айланасында болуп жаткан окуялар мамлекеттин келечегине терс таасирин тийгизбеши керек.
«Мен өмүр бою КСДПнын мүчөсү болом деп ойлогом. Бирок, жагдайлар өзгөрүлдү. Мен өлкөнүн келечегине кайдыгер карабаган жаран катары расмий түрдө КСДПдан чыга турганымды билдирем. Ал эми депутаттык ишмердүүлүгүмдү парламентте уланта берем», -деди ал.
Асылбек Жээнбеков -президенттин кичүү иниси.
