Парламенттин мурунку депутаты Камчыбек Ташиевдин президенттикке ат салышкандардын бири, саясий тандем боюнча өнөктөшү Өмүрбек Бабанов менен бирге түшкөн сүрөтү жарыяланды. Сүрөттү Фейсбуктун колдонуучусу Искен Афиджанов өздүк баракчасына жайгаштырган.
Камчыбек Ташиев сүрөттүн астына «Баардык жакшы нерселер азыр гана башталууда! Жакында көрүшкөнчө!» деп жазган. Анда сүрөт ушул жылдын 25-мартында тартылганы маалым болду. Камчыбек Ташиев бул тууралуу түшүндүрмө бере элек, сүрөт кайда тартылганы дагы белгисиз.
Эске салсак, Камчыбек Ташиев менен Өмүрбек Бабанов «Республика- Ата-Журт» тизмеси боюнча 2015-жылы парламентке ат салышкан. Бирок, «Өнүгүү-Прогресс» партиясынын штабынын өкүлдөрү менен болгон жаңжал үчүн Камчыбек Ташиевди жарыштан четтетип коюшкан.
