07:22
USD 84.79
EUR 98.85
RUB 1.19

Президент Кыргызстандан депортацияланган журналисттин өтүнүчүн укту

Президент Сооронбай Жээнбеков «Франс Пресс» агенттигинин журналисти Крис Риклтондун депортацияланышы тууралуу ишти териштирүүгө тапшырма берди. Бул тууралуу ал маалымат жыйында билдирди.

Айтымында, ал 2017-жылы өлкөдөн депортацияланган журналисттин айланасындагы абалды жакшы билет.

«Мен көрсөтмө бердим. Мага жообун билдиришкенде сиздерге жарыялайм», -деди президент.

Эске салсак, Улуу Британиянын жараны Крис Риклтон президентке аны Кыргызстанга киргизүүнү суранып кайрылган.

«Франс Пресс» маалымат агенттигинин журналисти Крис Риклтонго УКМКнын чечими менен былтыр декабрда визалык режимди бузгандыгы үчүн республиканын аймагына кирүүгө тыюу салынган. Ал акыркы 7 жылдан бери Кыргызстанда жашап, иштеп келген. Анын жубайы Кыргызстандын жараны.

Эң көп окулган жаңылыктар