04:14
USD 73.77
EUR 82.01
RUB 1.04

Шайлоого сен бар, сен барба. Президент иниси жана кудасы тууралуу

Президент Сооронбай Жээнбеков жыл жыйынтыгы боюнча маалымат жыйынында, иниси Асылбек Жээнбеков менен кудасы Алиярбек Абжалиевдин 2020-жылы боло турган парламенттик шайлоого катышып катышпай тургандыгы тууралуу түшүндүрмө берди.

Мамлекет башчысы 24.kg агенттигинин суроолоруна жооп берип жатып, азыркы парламентке баа берүүдөн баш тартты. «Эгер мен ар бир депутат боюнча өз пикиримди айтсам, туура эмес болуп калат. Тандоону элге коелу, мен ага аралашпай эле коеюн», — деди ал.

Президент 24.kg агенттигинин «иниси жана кудасы менен 2020-жылдагы шайлоого катышуудан баш тартуу тууралуу сүйлөштүңүзбү, болбосо коомчулуктун сыны өз башыңызга келиши мүмкүн» деген суроосуна, ар бир киши өзү чечет деп жооп берди. «Бул маселе боюнча алар менен сүйлөшө элекмин. Мен аларга шайлоого сен бар, сен барба деп айта албайм. Убакыт келгенде көрөбүз», — деди ал.