Улуттук банк ири интервенция жасап, 35,15 миллион долларды сатыкка чыгарды. Бул тууралуу анын сайтында маалымдалат. Жыл башынан Улуттук банк беш жолу валюталык рынокко чыкса, бул жолу эң чоң сумма менен жүрүш жасады.
Бирок, Улуттук банктын аракетинен натыйжасы байкалган жок. АКШ валютасынын сомго карата наркы дагы эле өзгөрүүсүз. Бир доллар 69,7-69,8 сомдон сатып алынып, 69,9дан сатылууда.
