Кытайдын Бишкектеги консулдук бөлүмү Кыргызстандын жарандарына жекече туристтик виза берүүнү жандантты. Бул тууралуу Тышкы иштер министрлиги кабарлады.
Маалыматка караганда, ушул тапта элчилик «L» категориясындагы жекече туристтик визаларды берип жатат.
Жарандар кабыл алуу бөлүмүнө Кытай элчилигинин сайты аркылуу алдын ала жазылса болот. Ошондой эле анда керек болгон документтердин тизмеси жайгаштырылган.
Кытай элчилиги жекече туристтик виза берүүнү 2017-жылы токтоткон. Виза беш кишиден жогору турган топко гана берилчү.
