Ошто жазуучу Чыңгыз Айтматовдун эстелиги тургузулат
17:05, 04-декабрь 2018, Бишкек - 24.kg
Ошто жазуучу Чыңгыз Айтматовдун эстелиги тургузулат. Бул тууралуу 24.kg агенттигине Репин атындагы Санк-Петербург көркөм академиясынын бүтүрүүчүсү Тамила Маматова билдирди.
Маалыматка караганда, ал дипломдук иши катары Чыңгыз Айтматовдун 3 метрлик скульптурасын түзүп чыккан. Ал Ош шаарына белек катары берүүгө даяр.
«Биздин кайрылуубузга мэрия жооп берди. Алар бизди колдошуп, байланышууга даяр. Мен убада кылгандай скульптураны белекке берем, бирок алар эстеликти толук бүткөрүү үчүн каражат жагынан жардам бериши керек. Ага 3 миллион сом сарпталат», -деди ал.
