24.kg агенттигинин окурмандарынан келип түшкөн суроолорго Дин маселелери боюнча маалымат жана кеңеш берүү борборунун адистери (теолог, юрист, психолог) жооп берет.
Суроо: Күйөөсү убадалаган махрын бербей койсо, аял ажыраша алабы?
Жооп: Теориялык жактан алса, аял күйөөсү нике учурунда убадалаган мөөнөттө махрды төлөбөй койгон болсо талак талап кыла алат. Бирок, иш жүзүндө үй-бүлө жана күйөөсүнүн адамдык сапаттары жогору турат. Андыктан, мында аял үй-бүлө сактоо аракетинде махрдын мөөнөтүн узартып, же башка келишим жолу менен маселени чечсе болот.
