Суроо-жооп. Эмнеге исламда эркектерге алтын тагынууга тыюу салынган?
11:18, 15 апреля 2019, Бишкек - 24.kg
24.kg агенттигинин окурмандарынан келип түшкөн суроолорго Дин маселелери боюнча маалымат жана кеңеш берүү борборунун адистери (теолог, юрист, психолог) жооп берет.
Суроо: Эмнеге исламда эркектерге алтын тагынууга тыюу салынган?
Жооп: Бул боюнча так айтылган хадим бар. Анда Пайгамбардын санаалаштарынын бири Мухаммад имам Али «Пайгамбар сол колуна жибек кездеме алып, оң колуна алтын алып, колун өйдө көтөрүп: «Бул эки буюмду аялдар гана колдоно алат, эркектерге тыюу салынат», деген» — деп айтылат.
