05:43
USD 69.33
EUR 79.37
RUB 1.05

Маданият, искусство жана билим берүү кызматкерлеринин айлыгы көбөйөт

Маданият, искусство жана билим берүү мекемелеринин кызматкерлерине эмгек акы төлөөнүн шарттарын жакшыртуу максатында токтомго премьер-министр Мухаммедкалый Абылгазиев кол койду. 

Токтомго ылайын төмөнкү мекемелердин кызматкерлеринин айлыгына кошулат:

- Т.Абдумомунов атындагы Кыргыз улуттук академиялык драма театрынын;

- Ч.Айтматов атындагы Кыргыз Республикасынын мамлекеттик улуттук орус драма театрынын;

- С.Ибраимов атындагы Ош улуттук драма театрынын, Кыргыз Республикасынын улуттук тарых музейинин;

- Кыргыз Республикасынын Улуттук тарых музейинин;

- Г.Айтиев атындагы Кыргыз улуттук керкем сурет искусство музейинин;

- «Сулайман-Тоо» улуттук тарыхый-археологиялык музей комплексинин;

- Кыргыз Республикасынын Маданият, маалымат жана туризм министрлигинин алдындагы Кинематография департаментине караштуу Т.Океев атындагы «Кыргызфильм» улуттук киностудиясынын.

Мындан тышкары, төмөнкү мекемелердин профессордук-окутуучулук курамынын, концертмейстеринин жана иллюстраторлорунун кызматтык маяналарынын өлчөмү 80%га көбөйтүлдү:

- Ч.Базарбаев атындагы Бишкек хореографиялык окуу жайынын;

- М.Күрөңкеев атындагы Кыргыз мамлекеттик музыкалык окуу жайынын;

- С.А.Чуйков атындагы Кыргыз мамлекеттик керкем сурет окуу жайынын;

- Ниязалы атындагы Ош мамлекеттик музыкалык окуу жайынын.

Эң көп окулган жаңылыктар