24-майда түнкүсүн Ысык-Көл ойдуңунун чыгышында жана Нарын облусунун дыйканчылык аймактарында үшүк жүрүшү күтүлөт. Бул тууралуу Өзгөчө кырдаалдар министрлиги кабарлайт.
Министрликтин билдирүүсүндө, аталган аймактарда аба-ырайы 0...-2° градуска чейин төмөндөйт.
Бүгүн Ош, Жалал-Абад, Баткен, Ысык-Көл, Нарын облустарынын көпчүлүк аймактарында жаан жаап, күн күркүрөшү, бийик тоолуу райондордо кар жаашы күтүлөт.
ӨКМ нөшөрлүү жаанга байланыштуу Ош, Жалал-Абад жана Баткен областарынын тоолуу аймактарына жакын айылдарды селден этият болууга чакырат.
