Дин иштери боюнча мамлекеттик комиссия «Теңирчиликти» диний уюм катары каттоодон баш тартты. Бул тууралуу бүгүнкү маалымат жыйында теңирчи Анарбек Усупбаев билдирди.
Анын айтымында, комиссиянын чечимин сот жокко чыгарды. Эми теңирчилер дин иштери боюнча мамлекеттик комиссиянын директору Зайырбек Эргешовдун отставкасын талап кылышат.
«Эргешов «Таблиги жамаат» уюмунун мүчөсү. Андыктан анын мамлекеттик органды жетектөөгө укугу жок. Бул КМШнын башка өлкөлөрүндө тыюу салынган», — деди ал.
