Ош облусунун Чоң-Алай районунда бүгүн түнү 2.13дө жер титиреди. Бул тууралуу Өзгөчө кырдаалдар министрлиги кабарлайт.
Алардын малыматында, зилзаланын очогу Тажикстанда катталып, күчү 3,5 баллга жеткен.
Чоң-Алайдын Алай айылында 3 балл, Кара-тейит жана Карамык айылдарында 2,5 балл болду. Жапа чеккендер жок.
Эскерте кетсек, Чоң-Алай районунда май айында 6 баллдык жер титирөө болуп, анда 610 үй жана бир нече социалдык имараттар бузулган.
