«Ташкент-Ысык-Көл» каттамы эртең биринчи жолу «Тамчыга» конот. Бул тууралуу бүгүн маалымат жыйында «Манас» эл аралык аба майданынын Инфраструктуралык жана инвестициялык өнүгүү дирекциясынын башчысы Абдималик Бусурманкулов билдирди.
Аба майдан азыр түнкү учурда дагы учактарды кабыл ала алат.
«Казакстан жана Россиядан түз каттамдарды ачуу боюнча сунуш келип түштү. «Казахэйр» жана «Сибирь» аба каттамдарды ачып жатат. Эртең «Өзбек авиакаттамдарынын» биринчи учагы келет» , — деди Абдималик Бусурманкулов.
