Аба ырайынын катаал өзгөрүшүнө байланыштуу Сосновка постунда оор жүк ташуучу унааларга чектөө киргизилди. Бул тууралуу Транспорт жана коммуникациялар министрлигинин басма сөз кызматы билдирди.
Маалыматка ылайык, Бишкек-Ош унаа жолунун Төө-Ашуу ашуусунда кар жаап, бороон болуп жатат.
Учурда № 9 Жол тейлөө ишканасы тарабынан жол коопсуздугун камсыз кылуу максатында инерттик материал себүү иштери жүргүзүлүүдө.
Министрлик айдоочулардан жол эрежелерин так сактоону, ылдамдыкты жогорулатпоону жана унаалар ортосундагы аралыкты сактоону өтүнөт.
