Бишкекке республикалык бюджеттен 4 миллиард 500 миллион сом бөлүнөт. Бул тууралуу мэр Айбек Жунушалиев Бишкек шаардык кеңешинин сессиясында билдирди.
«Бул акча борбор калааны колдоо максатында бөлүнүүдө. Мындан тышкары, жыл башында президент тарабынан таштандыларды сорттоочу заводго 100 миллион сом бөлүнгөн. Таштандыларды чыгарганга чейин иргейбиз. Заводдун курулушун ушул жылдын декабрына чейин бүтүрүүнү пландап жатабыз», — деди мэр.
Бишкек шаардык кеңеши борбор калаанын 2025-жылга карата бюджетинин долбоорун талкуусуз кабыл алды.
