Бүгүн — 21-мартта калган Азия чөлкөмүндөгү бир катар мамлекеттер менен катар эле Кыргызстанда да Нооруз майрамы белгиленүүдө. Нооруз — аруулуктун, тазалыктын, жаңылануунун майрамы. Бекеринен «Ноу» — жаңы, «руз»- күн — деп айтылбаса керек.
«Нооруз» — «жыл башы», «жаңы жылдын башы» майрамы.
Жаңырган жылда эл журттун, мал-жандын аман-эсен, тынч, кырсыктан тышкары жана эгин берекелүү болушун тилеп, кудайга, жер-сууга, тоо-ташка сыйынып жалынган, арпадан, буудайдан көжө, сүмөлөк кайнатып, ар бир үй-бүлө сый тамагын жасап, айыл-апасы менен чогуу ичишкен.
Нооруз жөн эле майрам эмес, бул ар улуттун өкүлдөрүн бириктирген биримдиктин, ынтымактын символу. Бул күнү пикир келишпестиктерди, таарынычтарды унутуп, бири-бирибизди кечирип, баарына тынчтык, жакшылык каалайбыз!
Бул күнү салттуу тамактарды жасап, дасторкон жайып, конокторду чакыруу салтка айланган. Үйүңүздөр жылуулукка жана жайлуулукка, ал эми жүрөгүңүздөр сүйүү менен мээримге толсун.
Сиздерге чың ден соолук, бакыт-таалай жана бардык ишиңиздерге ийгилик каалайбыз!
Нооруз сиздин жашооңуздагы жаркын окуяларга жана жетишкендиктерге бай жаңы барактын башталышы болсун. Баардык кыялдарыңыз жана үмүттөрүңүз орундалып, ар бир күн сизге кубаныч жана канааттануу алып келсин. Сиздерге тынчтык, жакшылык жана бакубатчылык каалайбыз!
Чын жүрөк, ак дилден 24.kg командасы.
