Бишкекте аптанын экинчи жарымында күн ачык болот. Мындай божомолду синоптиктер билдирди.
20-февралда түнкүсүн термометр −3 градуска чейин төмөндөйт. Күндүз күн ачык болуп, аба +10 градуска чейин жылыйт.
21-февралда жаан-чачын күтүлбөйт. Түнкүсүн −3 градуска чейин суук болсо, күндүз +13 градуска чейин жылыйт.
22-февралда аба ырайы кескин өзгөрбөйт. Абанын температурасы түнкүсүн −1 градуска, күндүз +14 градуска чейин жылышы күтүлүүдө.
23-февралда да күн ачык болот. Түнкүсүн 0 градустун тегерегинде болсо, күндүз термометр +17 градуска чейин көтөрүлөт.
