Өзгөчө кырдаалдар министрлиги кар көчкү жана кар күрткүсүнө байланыштуу шашылыш билдирүү таратты.
2024-жылдын 15-ноябрынан 16-ноябрына чейин Кыргызстандын тоолуу автожолдорунда кар көчкү түшүшү мүмкүн. Ош — Сары-Таш — Эркечтам унаа жолунун тилкесинде (161-чакырымдан 179-чакырымга чейин) жана Талдык ашуусунда кар көчкү түшүшү, кар күрткүсү жана жолдун муз тоңушу мүмкүн.
Өзгөчө кырдаалдар министрлиги бул аймакта унаалар 500 метрден кем эмес аралыкты сактоосу керектигин эскертти. Айдоочуларга өтө зарылчылык болбосо жолго чыгуудан баш тартуу жана бардык сактык чараларын көрүү сунушталат.
