Жогорку Кеңештин Агрардык саясат, суу ресурстары, экология жана регионалдык өнүктүрүү боюнча комитетинин жыйынында экономика жана коммерция министринин орун басары Чоро Сейитов 2023-жылы көмүскө экономиканын деңгээли 19 пайызга чейин кыскарганын билдирди.
Анын айтымында, 2021-жылы көмүскө экономиканын деңгээли 21 пайызды, 2022-жылы 20,2 пайызды түзгөн.
Депутат Алишер Эрбаев чиновник мындай сандарды кайдан алганын сурап, Чоро Сейитов өзү жакында эле көмүскө экономиканын 27 пайызы тууралуу айтканын эске салды. Буга министрдин орун басары 2023-жылга карата так маалымат жана анализдин жыйынтыгы жок деп жооп берди. Ал болгону болжолдуу маалыматты жарыялагандыгын билдирди.
