Салык кызматы 2024-жылдын январь-август айларына салык жана камсыздандыруу жыйымдарынын планын ашыра аткарды. Бул тууралуу аталган мекемеден билдирди.
Жалпысынан 187 миллиард 718,5 миллион сом чогултулуп, белгиленген пландан 7 миллиардга көп болгон.
2023-жылдын ушул мезгилине салыштырмалуу салыктык түшүүлөр 29,7 млрд сомго көбөйгөн. Жалпы чогултуунун 138 миллиард 926,6 миллиону салыктар жана төлөмдөр болсо, камсыздандыруу төгүмдөрү 48 миллиард 792 миллион сомду түзөт.
Салыктар жана төлөмдөр пландан 586 миллион сомго мурда жыйналды, бул өткөн жылдын ушул мезгилине салыштырмалуу 22,3 миллиард сомго көп болгон. Ал эми камсыздандыруу төгүмдөрүнүн планы да 6 миллиард 327 миллион сомго ашык аткарылды, бул 2023-жылдын январь-август айларындагы жыйымдардан 7,3 миллиард сомго көп.
Салык кызматы бул жыйынтыктарга негизги факторлор катары салыктык башкарууну күчөтүү жана санариптик инструменттерди киргизүү болгонун белгиледи.
