Таалайбек Конкобаев Кара-Көл шаарынын мэри кызматынан бошотулду. Бул тууралуу президенттин басма сөз кызматынан билдиришти.
Мамлекет башчысы кол койгон тескемеге ылайык, КР Конституциясынын 71-беренесине, «Жергиликтүү мамлекеттик администрация жана жергиликтүү өз алдынча башкаруу органдары жөнүндө» КР мыйзамынын 47-беренесинин 3-бөлүгүнүн 1-пунктунун негизинде Жалал-Абад облусунун Кара-Көл шаарынын мэри Конкобаев Таалайбек Тажиматович берген арызына ылайык ээлеген кызматынан бошотулду.
Президенттин башка тескемеси менен бул кызматка Орозбаев Нуртилек Орозбаевич дайындалды. Ал 33 жашта. Ал буга чейин Жалал-Абад шаардык кеңешинин спикери болуп иштеген.
