Декларацияны тапшырбаган же мыйзам бузуу менен тапшырган 200дөн ашык аткаминер жоопко тартылды. Бул тууралуу Башкы прокуратура билдирди.
Маалыматка ылайык, салык декларациясын тапшырбаган же белгиленген мөөнөттү бузуу менен тапшырган кызматкерлер жоопкерчиликке тартылды.
Ош облусунун прокуратурасы тарабынан салык мыйзамдарынын аткарылышын текшерүүнүн жүрүшүндө мамлекеттик кызматчылар жана муниципалдык кызматкерлер тарабынан 2023-жылга кирешелери, чыгашалары, милдеттенмелери жана мүлкү жөнүндө декларацияларды тапшырбоо же белгиленген мөөнөттөрдү бузуу менен берүү фактылары аныкталды. .
Ар бир факты боюнча Кылмыш-жаза кодексинин 438-беренесинде каралган кылмыш боюнча иш козголуп, материалдар сот органдарына жөнөтүлүп, жыйынтыгында 201 мамлекеттик кызматчы жана муниципалдык кызматкер 603 миң сомдук айып салуу менен жоопкерчиликке тартылган.
