Нарында прокуратура кызматкери жана милициянын тергөөчүсү пара талап кылууга шектелип кармалды. Бул тууралуу УКМКнын басма сөз кызматы билдирди.
Маалыматка ылайык, Нарын облусунун прокурору М. С. жана ички иштер башкармалыгынын тергөөчүсү Э. Н. арыз ээсинин кылмыш ишин оң тарапка чечүү үчүн андан пара талап кылышкан.
Кылмыш иши козголуп, 100 миң сом пара алып жаткан жеринен тергөөчү кармалды.
Шектүүлөр УКМКнын тергөө абагына киргизилди. Мыйзамда белгиленген мөөнөттө аларга айып тагылып, бөгөт коюу чарасын тандоо маселеси чечилет.
