Бишкек шаарынын мэриясынын түзүмүндө жаңы бөлүм пайда болду.
Муниципалитеттин басма сөз кызматы билдиргендей, «Бишкек жашыл чарба» жана «Бишкек суу чарба» муниципалдык ишканалары бириктирилип, оптималдаштырылды.
Жаңы ишкана «Бишкек жашылдандыруу» деп аталат. Анын директору болуп буга чейин «Бишкек суу чарба» муниципалдык ишканасын жетектеген Болотбек Одракаев дайындалды.
Мэрия конкреттүү жыйынтыктарга жетүү үчүн мекемелик бөлүмдөрдүн жана муниципалдык ишканалардын түзүмү кайра каралып жатканын кошумчалады.
