Кыргызстандык теннисчилер Коломбо (Шри-Ланка) шаарында өткөн Billy Jean King Cup Junior (16&U) эл аралык турниринин финалында ойношту. Бул тууралуу социалдык тармактарда Теннис федерациясы билдирди.
Кыргызстандык спортчулар чечүүчү беттеште шри-ланкалык атаандаштарына 0:2 эсебинде утулуп калды.
Мындай жыйынтык биздин спортчуларга Казакстанда май айында өтө турган Billy Jean King Cup Juniors Asia/Oceania Final турнирине катышууга мүмкүнчүлүк берди.
Команданын катышуучулары — Сафина Хабибрахманова, Анель Богданова жана Сезим Сагынбаева, машыктыруучусу Фархад Урумбаев.
