Кыргызстандын энергетика министри Таалайбек Ибраев кытайлык «NBTC Limited» компаниясынын башкы директору менен жолугушту. Бул тууалуу Энергетика министрлигинин басма сөз кызматы билдирди.
Эки тараптуу жолугушуунун алкагында шамал жана күн электр станцияларын куруу боюнча өз ара түшүнүшүү жана кызматташуу жөнүндө меморандумга кол коюлду.
Меморандумдун негизги максаты эки тараптуу кызматташтык мамилени тереңдетүү, ошондой эле Нарын облусунун Жумгал жана Кочкор райондорунун Кызарт жана Семиз-Бел тилкелеринде шамал жана күн электр станцияларын куруу болуп саналат.
