Евразия турукташтыруу жана өнүктүрүү фонду Кыргызстанга тез жардам унааларын сатып алууга грант бөлөт. Маалыматты Саламаттык сактоо министрлиги билдирди.
Россия Федерациясына болгон жумушчу сапарынын алкагында саламаттык сактоо министри Алымкадыр Бейшеналиев Евразия турукташтыруу жана өнүктүрүү фондунун аткаруучу директору Андрей Широков менен жолугушту. Тараптар Кыргызстандын саламаттыкты сактоо тармагын өнүктүрүү боюнча өлкө үчүн тез жардам унааларын сатып алууну камтыган жаңы долбоорду талкуулашты.
Жолугушуунун жыйынтыгында 120 тез жардам унаасын сатып алууга 3 миллион доллар өлчөмүндө грант бөлүү боюнча макулдашууга жетишилди. Автоунааларды сатып алуу Кыргызстандагы тез медициналык жардам системасын жакшыртууга маанилүү салым болот.
