15:40
USD 88.85
EUR 94.81
RUB 0.95

Баткенде баңгизат колдонууга шектелип тез жардам унаасын айдоочусу кармалды

Баңгизатын колдонууга шектелип Баткендеги ооруканалардын биринде тез жардам унаасын айдаган айдоочу менен дагы бир жаран кармалды. Бул тууралуу облустук милициянын басма сөз кызматы билдирди.

«Ыкчам иликтөө иш-чарасынын жүрүшүндө облустун 43 жана 50 жаштагы тургундарынын жашаган жеринде тинтүү жүргүзүлүп, кара-күрөң түстөгү өзгөчө жыты бар зат табылып, колдонгон шаймандары менен кошо алынган», — деп айтылат маалыматта.

Кылмыш жаза кодексинин 282-беренесинин (Баңгизат каражаттарын, психотроптук заттарды жана алардын аналогдорун сатып өткөрүү максатында мыйзамсыз даярдоо), 283-беренесинин (Баңгизат каражаттарын, психотроптук заттарды жана алардын аналогдорун сатып өткөрүү максатысыз мыйзамсыз даярдоо) негизинде кылмыш иши козголуп, алынган заттар баңгизаттын гашиш түрү экендиги аныкталды.

Кармалган жарандар убактылуу кармоо жайына киргизилди.

Эң көп окулган жаңылыктар
24-апрель, шаршемби