Мурдагы экономика министри Санжар Мукамбетов Стратегиялык изилдөөлөр улуттук институтунун директору болуп дайындалды. Тиешелүү буйрукка президент кол койду.
Буга чейин Санжар Мукамбетов тармактык саясат бөлүмүнүн башчысы — президенттин жана министрлер кабинетинин чечимдерин даярдоо башкармалыгынын башчысынын орун басары болуп иштеген.
Сооронбай Жээнбеков президент болуп турганда экономика министри болгон. Финансы рыногун жөнгө салуу жана көзөмөлдөө мамлекеттик кызматын жетектеп, вице-премьер болуп иштеген.
1972-жылы 12-декабрда төрөлгөн. Кыргыз техникалык университетин (1994) жана Кыргыз Мамлекеттик улуттук университетин (2003) аяктаган.
