Бүгүнкү күндө Кыргызстанда ишкерлер тарабынан 73 миң 804 көзөмөл-кассалык машиналары (ККМ) колдонулууда. Мындай маалыматты Мамлекеттик салык кызматы билдирди.
Белгиленгендей, ККМ реестри түзүлүп, ага аппараттын 33 модели кирген.Ошондой эле Салык кызматы 26 техникалык тейлөө борбору менен макулдашууларды түздү.
«Көзөмөл-кассалык машиналарды сатып алуу үчүн жеткиликтүү шарттарды камсыз кылуу, алардын баасын төмөндөтүү жана бөлүп төлөөгө берүү боюнча иштер жүргүзүлүүдө. Ишкердик субъектилерине ККМ алуу үчүн максималдуу жеткиликтүү шарттарды түзүү жана жайылтуу үчүн бир катар банктар POS -терминал функциясы менен гибриддик машиналарды таратышууда», — деп билдирди Салык кызматы.
