Кыргызстанга Евразия экономикалык биримдигине мүчө өлкөдөн баш кийимдерди мыйзамсыз ташып кирүү фактысы аныкталды. Бул тууралуу Салык кызматы билдирди.
«Ош» эл аралык аэропортунун ЕАЭБ өлкөлөрүнөн учуп келүү зонасында жайгашкан товарларды эсепке алуу пунктунан башка өлкөнүн жараны 152 норка тумагын мыйзамсыз импорттоого аракет кылган. Импорттоочуда товарга тийиштүү эч бир коштоочу документтер болгон эмес.
«Жыйынтыгында товар алынып, тиешелүү материалдар мыйзамга ылайык чара көрүү үчүн компетенттүү органдарга өткөрүлүп берилди», — деп айтылат маалыматта.
