Бишкекте дагы эки автобус каттамы ачылды

Бишкекте № 102 жана 162 автобустар жүрө баштады. Бул тууралуу мэриянын басма сөз кызматы билдирди.

Маалыматка ылайык, бул каттамдарда кичи автобустар иштеп келген. Эми алардын ордуна ушундай номер менен автобустар жүрө баштайт. Аларды «Бишкек жүргүнчүлөр автотранспорт ишканасы» тейлейт.

№ 102 автобус Рухий- Мурас жаңы конушунан Ош базарына чейин каттайт. Маршруттун узундугу 25,5 километр, аралыгы 10 мүнөттөн болуп, каттамга 12 автобус чыгат.

Фото мэриянын басма сөз кызматы

№ 162 автобус 12-кичи районунан Новопокровка айылына чейин жүрөт. Узундугу 46 километр, аралыгы 10 мүнөт. Бул линияга 18 автобус чыгат.

Фото мэриянын басма сөз кызматы

Мэрия бара-бара бардык маршруткалар автобустарга алмаштырыларын билдирди.