Жалал-Абад облусунун Ноокен районунда октон жаракат алган өспүрүм каза болду. Бул тууралуу аймактын Ички иштер башкармалыгы билдирди.
Окуя 25-августтан 26-августка караган түнү Шайдан айылында болгон. Айыл тургундарынын бири почта бөлүмүнүн алдына чогулган балдарга мергенчилик мылтыктан ок чыгарган. 15 жаштагы өспүрүм башынан тийген октон улам каза болду.
Окуя Кылмыш-жаза кодексинин 122-беренеси (адам өлтүрүү) боюнча Ноокен РИИБнин кылмыштардын бирдиктүү реестринде катталган. Кылмыш иши козголду.
Шектүү Шайдан айылынын тургуну. Ал эки айга камакка алынды.
