Чүй облусунун бийик тоолуу аймагында жайгашкан көлдөрдүн абалына изилдөө жүргүзүлүп, коопсуз деп табылды. Бул тууралуу Өзгөчө кырдаалдар министрлигинин басма сөз кызматы билдирди.
Сокулук райондук ӨКБ адистери Кыргызгидрометтин кызматкерлери менен бийиктикте жайгашкан көлдөрдүн ашып же жарылуусун алдын алуу максатында текшерүү жүргүзүшкөн.
Чоң-Төр (3 миң 525 метр), Чыгыш Чоң-Төр (3 миң 890 метр), Туюк-Төр (3 миң 815 метр), Көл-Төр (2 мин 736 метр) көлдөрүнө байкоо иштери жүргүзүлүп, эч кандай коркунуч жок деп табылды.
